Зоз Шветочну схадзку и кладзеньом венцох означени Дзень побиди

автор влдї
1k Опатрене

ШИД – З нагоди 9. мая, Дня побиди, Општински одбор Здруженя борцох Народоноошлєбодительней войни (ОО СУБНОР) Шид и Здруженє сербско-русийского приятельства першираз вєдно орґанизовали означованє швета.

У сали Скупштини општини Шид отримана Шветочна схадзка, на хторей член Предсидательства ОО СУБНОР и предсидатель Здруженя сербско-русийского приятельства Душан Лукич здогаднул на подїї хтори предходзели побиди над фашизмом и на жертви хтори дати за шлєбоду.

3-Sid-02

З тей нагоди уручени и награди за найлєпши роботи школярох закончуюцих класох основних школох и штреднїх школох з тему „Швет без войни”, а участвовали вєно 24 роботи. Додзелєни по два перши, други и треци награди и специялна награда за єдину роботу на русийским язику.

Тиж уручени и награди СУБНОР Сербиї „Медаля борца”, хтору достали Томо Зечевич, першоборец з Ердевику, Сава Рошич, предсидатель ОО СУБНОР Шид и Ранко Доброєвич, секретар ОО СУБНОР Шид.

3-Sid-03

После шветочносци, делеґация општини Шид, у хторей були предсидатель Општини Никола Васич и його заменїк Срдян Малешвич, як и делеґациї ОО СУБНОР, Социялистичней партиї Сербиї и Одряду горякох „Лазар Бибич”, положели венци на памятнїк погинутим борцом на городским теметове.

 3-Sid-04

ПОВЯЗАНИ ТЕКСТИ