БЕОҐРАД – Секретар у Министерстве култури и информованя Саша Миркович гварел же идуцого року з буджету за финансованє явних сервисох – Радио-телевизиї Сербиї (РТС) и Радио-телевизиї Войводини (РТВ) буду достаточни 4 милиярди динари. Кед ше ґу тей суми дода и наплацованє такси за явни сервиси, будзе обезпечене стабилне финансованє двох явних сервисох, гварел Миркович.
Управни одбори РТС-у и РТВ-у одлучели же ше од 1. януара будзе наплацовац таксу за явни сервиси. Найвисша можлїва сума за таксу 500 динари, алє ище вше нє познате кельо вона будзе и на яки способ ше ю будзе наплацовац.