БЕОҐРАД – Понеже порцийни обовязки ускладзени з ростом ценох у 2015. року, з рефундованьом ПДВ за набавку єдзеня и опреми за бебу мож достац вєдно 73 847 динари, цо за 1 100 динари вецей як дотераз, пише „Блиц”. Вимоги за рефундованє треба придац по 17. фебруар.
За дзецко до єдного рока старосци мож достац 42 198 динари, а за дзецко од єдного до двох рокох 31 648 динари.
По податкох з Порцийней управи, прешлого року рефундованє ПДВ на опрему за беби вимагали 61 429 особи, цо за коло 15 000 вецей як 2014. року. Предпоставка же того року интересованє за рефундованє будзе ище векше, понеже условия вигоднєйши: родичи нє шму мац приманя векши од 1,01 милион динари, цо за 2 500 динари вецей як влонї, а вкупни маєток на хтори ше плаци порция може буц найвецей 24,6 милиони динари, цо за 300 000 динари вецей як у 2015. року.
Окрем вимоги за рефундованє ПДВ, родичи треба же би придали и физкални рахунки о купованю кашочкох, млєка, посцелки, кочику, карсцеля за карменє, шедовиска за авто, лєбо пелюхох.