ШИД – У рамикох означованя Дня ошлєбодзеня Шиду и Дня општини Шид вчера у Руским доме отворена перша самостойна вистава маляра Драґолюба Митровича, у орґанизациї Здружена подобових уметнїкох и творительох шидскей општини.
Виставу отворел и о малюнкох бешедовал поета и публициста зоз Шиду Светислав Ненадович, котри наглашел же Митрович дал приказ пейзажох и околїска Шиду, а прикмета його творчосци реализем.
Драґолюб Митрович гварел же дотераз участвовал на велїх колективних виставох у Шидзе и городох у Сербиї, а тота перша самостойна вистава коруна його уметнїцкей творчосци.
Спред спомнутого здруженя уметнїкох Небойша Суботич гварел же локална самопурава финансийно потримала виставу, а Здруженє и убудуце з нагоди Дня ошлєбодзеня Шиду будзе рихтац вистави роботох своїх членох.
