БЕОҐРАД – Школярка III–1 руского оддзелєня Ґимназиї „Петро Кузмякˮ Ивана Планчак, участвовала у Школи людских правох за младих хтору у другим термину од 17–22. октобер орґанизовал Гелсинґски одбор за людски права.
У Школи тераз були 18-еро школяре зоз вецей местох Сербиї хтори вибрани на окремним Конкурсу, а най здогаднєме у першим септемберским термину участвовал Иванов товариш зоз оддзелєня Лазар Дьордєвич. Конкуровац им помогла педаґоґиня Школи „Петро Кузмяк” Любица Няради.
Попри теорийних викладаньох о правох женох, социялних и економских правох, вирских правох и дискриминациї, о правох ЛҐБТ популациї, учашнїки Школи нащивели и Автономни женски центер, Прайд информативни центер, Хижу людских правох, а мали и рижни роботнї и форуми.
Тирва приявйованє за напредни круг правох и обидвойо керестурски школяре, Дьордєвич и Планчакова, на ньго уж конкуровали.
