ВЕРБАС – У Вербаше од 26. по 30. май будзе отримани 47. Фестивал поезиї младих, єдна з найзначнєйших литературних манифестацийох.
Програма почнє на вовторок на 19 годзин у Ґимназиї „Жарко Зренянин”, а на святочним отвераню ФПМ будзе бешедовац академик Матия Бечкович, док у музичней часци буду участвовац Александра Караджич на клавиру и сопран Сенка Неделькович.
У рамикох Фестивала буду отримани традицийни програми як цо Вилєт до прози, Палета младих 2015, Лирска програма за дзеци, Портрет поети, будзе приєм финалистох при предсидательови Општини, а на пияток 29. мая на 19 годзин будзе Промоция кнїжки 46. лауреата – Тамари Хрин з Руского Керестура.
Тамара Хрин победзела на прешлорочним Фестивалу, за освоєне перше место як награду достала обявйованє своєй збирки поезиї, а промоция єй кнїжки будзе на пияток у Народней библиотеки „Данило Киш”.