Илона Гека Зарубица друга на швеце

автор зам; фото:фейсбук
1k Опатрене

ОРЛАНДО (ЗАД) – Шветово позната бодибилдерка Илона Гека Зарубица з Руского Керестура освоєла друге место на Шветовим першенстве у Орланду, у союзней держави Флорида Зєдинєних Америцких Державоих – дознава Рутенпрес од Гекового сина Ацу, а шлїдом краткей информациї обявеней на дружтвеней мрежи Фейсбук.

На тим найвисшим шветовим змаганю у орґанизациї Шветовей фитнес федерациї Гека (1963) друге место освоєла у катеґориї „Мастерс” – ветеранох, дзе ше змагали 18 змагательки, шейсц вошли до узшей конкуренциї, а потим три до финалу, медзи нїма и Зарубицова.

Як дознава Рутенпрес, Илона Гека Зарубица ше у бодибилдинґу знова активовала праве на поволанку орґанизатора спомнутого першенства, а спрам за тераз нєурядових информацийох, у одходу до ЗАД финансийно єй помогла и Општина Кула. З Америки ше враца самим концом того тижня.

(На фотоґрафиї Илона Гека Зарубица перша з права)

ПОВЯЗАНИ ТЕКСТИ