НОВИ САД – Одбор за европски интеґрациї и медзиреґионалне сотруднїцство Скупштина АП Войводини вовторок, 21. априла орґанизовал округли стол з тему „Интеркултуралносц як часц европских вредносцох Войводини”, хтори отримани у Скупштини Войводини.
О интеркултуралносци, образованю, креированю сучасного европского дружтва бешедовали заменїца покраїнского омбудсману Ева Вукашинович, предсидателька Одбору за европски интеґрациї и медзиреґионалне сотруднїцтво Скупштини АПВ Мая Седларевич, директор Фонду за Европски роботи Синиша Лазич, як и представитель ОЕБС-у у Републики Сербиї Ненад Челаревич.
У дебати активно участвовали и директоре меншинских Заводох за културу Войводини – Серґей Тамаш, Томислав Жиґманов, Милина Склабински и Мартина Гонди.
Заключене же потребне интензивовац интеркултурални диялоґ, змоцньовац соживот и вецейвиковну толеранцию у Войводини у шицких сеґментох дружтва, окреме у образованю и култури, а понеже Сербия у процесу приступаня ґу ЕУ, питанє дальшого розвою мултикултуралного, мултиетнїчного и мултиязичного дружтва основа на хторей ше муши будовац єй европску драгу.