ШИД/ВЕРБАС – У рамикох представяня активносцох Покраїнского секретарияту за польопривреду, водопривреду и лєсарство у тим року, на ютре, 20. фебруара, представителє Секретарияту нащивя Шид, Вербас и Србобран.
У Шидзе з польопривреднїками будзе бешедовац ресорни секретар Бранислав Боґарошки и його помоцнїк Мирослав Дунїч. Роботна схадзка будзе у шветочней сали Скупштини општини Шид на 18 годзин.
Стретнуца з польопривреднїками пре информованє о планованих конкурсох и активносцох Секретарияту у Вербаше, у сали Скупштини општини, ютре будзе на 19 годзин. Спред Секретарияту буду бешедовац Миливой Петрович и Слободан Теофанов.