КОЦУР – У Подручней лиґи Суботица ФК „Искра“ зоз Коцура, внєдзелю, 1. септембра, у рамикох 3. кола, на домашнїм терену победзела екипу ФК „Обилич“ зоз Нового Кнежевца зоз резултатом 3:1.
Обилич пред тим змаганьом бул єдина екипа котра на перших двох змаганьох зазначела обидва побиди и була на першим месце на таблїчки, та ше очековало чежке змаганє.
Ґоли за Искру на тим змаганю дали Дамян Ґубаш и Душан Ваяґич и Зоран Сердар.
После трох одбавених колох Искра на першим месце на таблїчки зоз шейсцома бодами, як и спомнути Обилич и ФК „Панония ИМ Тополя“ зоз Панониї, алє Искра ма найлєпшу ґол розлику.
У шлїдуюцим колу Искра будзе як госц бавиц у Ловченцу дзе ю дочека екипа Нєґош.
