КОЦУР – Искра з Коцура вчера на домашнїм терену аж зоз 7:1 победзела Будучносц зоз Савиного Села, а тото змаганє було преглашене за дерби 6. кола у Медзиопштинскей лиґи Бачка Тополя-Мали Идьош-Вербас-Бечей.
После 6. кола Искра на 2. месце на таблїчки з 13 бодами, цо лєм 2 менєй од першопласованого Обиличу зоз Змаєва.
У шлїдуюцим колє Искру обчекує чежке госцованє у Бачким Ґрадишту, дзе бави процив Войводини.