КОЦУР – Фодбалски клуб Искра з Коцура почал пририхтованя за шлїдуюцу сезону, а после нєсполнєтого цилю у прешлей сезони, односно нєвибореного пласману до висшого ранґу змаганя, пришло до змени тренера. Место дотерашнього Здравка Бабича, тренер Искри тераз Зоран Ґолубович-Ґолуб з Вербасу, котри на два заводи уж бул тренер коцурскей екипи.
Пременки єст и у бавяцким кадре, бо з Искри, за тераз, пошли Юшкович, Крняїч, Зарин и Малеш.
Пре реорґанизацию лиґох, Искра од шлїдуюцей сезони будзе бавиц у Медзиопштинскей лиґи Бачка Тополя-Мали Идьош-Вербас-Бечей.
Перше пририхтуюце змаганє Искра бави на нєдзелю у Коцуре процив Ядрану з Фекетичу.
(На фотоґрафиї и нови тренер Зоран Ґолубович-Ґолуб).