КОЦУР – Вчера, 24. марца, „Искра” у рамикох 18. кола Подручней лиґи Суботица госцовала у Нєґошеву дзе бавела процив екипи „Пролетер” и страцела зоз резултатом 1:0.
Змаганє у Нєґошеву означело нєспортске бависко домашнїх, три червени картони, а центерфор „Искри” Ґаґович змаганє закончел зоз зламаним носом.
После осемнац одбавених колох „Искра” друга на таблїчки и освоєла 40 боди.
У шлїдуюцим колу коцурски фодбалере на домашнїм терену дочекаю екипу „Сенти” з того места.