НОВИ САД – З нагоди Медзинародного дня людских правох, Покраїнска омбудсманка Анико Мушкиня Гайнрих вчера поручела же є свидома же гражданє, зочени з численима проблемами, траца довириє до институцийох и системи, и спозорела же то може довесц до авторитаризму, слабеня потримовки демократиї, а на концу ґу глїбшому обезвредзованю людских правох.
Вона наглашела же окреме чежке положенє Ромох, а пре нєпознаванє язика, очежана интеґрация и даєдних других националних меншинох.
Мушкиня Гайнрих спозорела и на нєприлаплїве справованє орґанох єдного числа єдинкох локалних самоуправох, кед слово о витворйованю правох националних совитох националних меншинох, цо тиж єден з присутних проблемох у тей обласци у Войводини.
Омбудсманка визначела и чежке положенє особох з инвалидитетом, злохаснованє дзецох за политични цилї, на насилство у фамелиї и медзи парняками, на комунални и други проблеми, хтори тиж уплївую на медзилюдски одношеня.