ШИД – Моцни диждж з витром, а на дзепоєдних подручох општини було и дробнєйшого каменцу, хтори пондзелок, 27. юния пред вечаром залапел шидску општину, направел вельки чкоди. Були поваляни стебла, одламани конари, потаргани електрични дроти, пре проблеми з одходзеньом атмосферских водох у Шидзе були аж и заляти улїци, а у велїх обисцох вода пречурела до пиньвицох.
Яки чкоди нєпогада направела на польох у хотарох ище нєт точни информациї, алє сиґурне же витор на одредзених местох повалял жито и други култури, чкоди єст и у овоцнїкох. Овоцаре гваря же добре же нє було векшого и вецей каменцу, бо би чкода були вельо векша.
Од вчера до Општинскей управи Шид (у канцелария число 4), як и у шицких месних канцеларийох гражданє можу приявиц чкоду од бурї.
