Ище нєшка мож купиц уходнїци за „Жатвов бал”

автор тах
1.1k Опатрене

КОЦУР – На соботу, 7. фебруара, у „Пелетовей сали” у Коцуре будзе традицийни „Жатвов бал”. Бал почнє на 19 годзин, а дотераз приявени 170 госци.

Орґанизаторе з КУД „Жатва” за госцох пририхтую вечеру зоз забивачки – печене месо, гурки, шкварки, крупи, та прилоги и лакотки хтори дакеди служени на дисновтор.

На Балє будзе и богата томбола, танєчни бависка, а по пол ноци Бал нащиви  прибранєц, як то звичай на забивачки. Госцох будзе забавяц тамбурови оркестер „Коцурски бетяре”.

Уходнїци за „Жатвов бал” мож заручиц, лєбо купиц ище нєшка у Доме култури у Коцуре од 16 до 19 годзин, лєбо на телефони 063/73 47 631 и 062/52 17 29. Цена уходнїци 700 динари, а у нєй нє ураховани напой, хтори будзе наплацовани по порядних ценох „Пелетовей сали”.

 

ПОВЯЗАНИ ТЕКСТИ