БЕОҐРАД – Мисия Медзинародного монетарного фонду (ММФ) вчера у Беоґрадзе почала трецу ревизию стенд-бай аранжману зоз Сербию и представителє ММФ-у оценєли же простор за звекшованє плацох и пензийох огранїчени, а тота мира будзе условена з одпущованьом звишку занятих у явним секторе.
Премиєр Сербиї Александар Вучич виявел же би ММФ дошлєбодзел векше звекшанє плацох и пензийох, хтори 2014. року зменшани, но вон то нє жада, бо тераз нєобходне мац резерви за инвестициї и програми за обезпечованє роботи за младих.
Главна тема розгваркох ММФ-у и Влади Сербиї то буджет Сербиї за 2016. рок и сполньованє обовязкох у фискалней консолидациї, реформи явного сектору и реструктурованю явних подприємствох.