И борци означели Дзень општини и 75 роки ошлєбодзеня

автор вл. дїтко
580 Опатрене

ШИД – Зоз шветочну схадзку Општинского одбору борецкей орґанизациї (СУБНОР), хтора отримана у сали Скупштини општини, борци у општини Шид почали централну програму у означованю Дня општини и 75 роки од ошлєбодзеня у Другей шветовей войни.

О историйних воєних подїйох пред 75 роками бешедовал предсидатель ОО СУБНОР Йовица Степанич, потим шицких привитал предсидатель СО Шид Велимир Ранисавлєвич, як и учашнїк биткох Ґавра Винчич (94) зоз Шиду.

У уметнїцкей часци школяре Ґимназиї „Сава Шуманович“ виведли музично-сценски приказ, поетове Дюрица Еделински и Слободан Цвиткович, хтори и добитнїк тогорочней „Децемберскей награди“, пречитали свойо твори и приказани кратки документарни филм о борбох на Сримским фронту у закончуюцих биткох за ошлєбодзенє Югославиї 1945. року.

Делеґациї локалней самоуправи и борцох Шиду и вецей местох зоз Сриму, як и з Биєлїни, покладли венци на памятнїк погинутим борцом на городским теметове дзе священїк СПЦ служел панахиду, а венци потим покладзени и на спомин-таблу погинутим борцом на будинку Културно-образовного центра.

ПОВЯЗАНИ ТЕКСТИ