И далєй дискриминовани ромски и дзеци з инвалидитетом

автор днв/сен
1k Опатрене

СЕРБИЯ – Дзеци ромскей националносци и дзеци з инвалидитетом найвиложенши дискриминациї и то углавним у обласци образованя и воспитаня, гварела поверенїца за защиту ровноправносци Бранкица Янкович на медзинародней конференциї о правох дзецка. Єдна з причинох то и же ше нє реаґує на час и нє запровадзує одвитуюци превентивни мири.

– Гоч остатнї час поробени вельки крочаї у ришованю проблемох и на злєпшаню положеньох загрожених ґрупох дзецох, ище вше маме два виражени проблеми – сеґреґацию ромских дзецох у школох и даяку файту нєпорозуменя и одпор ґу инклузивному образованю – гварела Янковичова.

Сеґреґацию ромских дзецох у школох обачиц по постояню видвоєних оддзелєньох з цалих школох, гварела поверенїца, котра уж у тим школским року прето интервеновала у предшколскей установи у Беочину и школи у Земуну.

– Ище вше нєдостава потримовка нєобходна за активне уключованє дзецох з почежкосцами у розвою и розличнима формами инвалидитету, прето же хибя услуги хтори би оможлївели подполни розвой найлєпшей системи инклузивного образованя – гварела Янковичова.

ПОВЯЗАНИ ТЕКСТИ