ЧАРДАК (ДЕЛИБЛАТО) – Прейґ 50 млади и одроснути, векшином з Руского Керестура, алє и Коцура, вчера орґанизовано одпутовали на духовно-рекреативне стретнуце „Марияполи” („Марийов варощик”) хторе ше отримує од 14. до 17. юлия на Делиблатскей писковини, у месце Чардак.
На тим фамелийним стретнуцу за рижни ґенерациї буду преглїбйовани духовни теми, а медзи викладачами будзе и керестурски парох о. Михайло Малацко.
Попри тим, буду и богослуженя, заєднїцки молитви, роботнї, форуми, шпацираня и рекреативни бависка.
Понеже учашнїки з вецей народох, кажде укаже и часц своєй традициї, та так и Руснаци наступя з народнима шпиванками, кратким преподаваньом о нашей историї, а вец шицких погосца з череґами.
Таки стретнуца у орґанизациї Руху фоколарох ше влєце отримує по цалим швеце, а уж вецей роки и у Сербиї.
(На фотоґрафиї учашнїки з наших парохийох на прешлорочним стретнуцу)