И керестурски привреднїки и паприґаре застарани пре заварти гранїци

автор сен
1k Опатрене

РУСКИ КЕРЕСТУР – Забрана преходу през гранїцу до Горватскей, а окреме забрана увозу роби зоз Сербиї, пошвидко годна уплївовац и на стан керестурскей привреди, односно польопривреди.

Тапетария „Комфорт” свойо продукти пласує до иножемства, а їх роба преходзи през Горватску. Власнїк того подприємства Иґор Рац гвари же през тоту гранїцу тижньово вивежу коло 12 камиони меблю.

– Отримали зме схадзку з роботнїками и порадзене же будземе робиц покля маме капацитети за чуванє роби. Маме термини за придаванє, алє предпоставям же нє будзе проблем и же нє будземе плациц пенали пре пребити термини. Кед тота ситуция потирва, найвекши проблем нам нєдостаток простору за одкладанє продуктох – гварел Рац за Рутенпрес.

Пре терашню ситуацию и одкупйоваче паприґи котри вивожа до Горватскей вчера стопирали одкуп. Як гварел Павле Малацко з подприємства „Т-пам”, паприґаром ище нє гори под ногами, алє кед гранїци нє буду отворени за два- три днї, може буц чкоди, бо нє годно попредац шицку паприґу. Лєм з того подприємства ше з Керестура до Горватскей дньово вивожи од 20 до 60 тони паприґи.

ПОВЯЗАНИ ТЕКСТИ