И коцурски школяре означели Осми марец

автор ол. русковски
547 Опатрене

КОЦУР  – У Доме култури у Коцуре вчера школяре Основней школи ,,Братство єдинство” отримали богату програму з котру означели 8. марец, Дзень женох.

Школяре нїзших класох зоз своїма учительками пририхтали числени точки на чесц шицким мамом. На бини ше зменьовали школяре котри рецитовали стихи о мацери, шпивали, грали на инструментох, а школяре з ритмичней ґрупи танцовали.

Кажда точка була наградзена зоз моцним аплаузом численей публики у полней сали Дома култури.

ПОВЯЗАНИ ТЕКСТИ