Коцурски школяре ше оглядли на Дзень Руснацох

автор злк
785 Опатрене

КОЦУР – Нацоналне швето Руснацох вчера, 17. януара означене и у Основна школа „Братство єдинство” у Коцуре.

Окремней програми з тей нагоди нє було, алє учительки зоз школярами на годзинох бешедовали о историї Руснацох, направели пригодни панои на котрих були приказани фотоґрафиї и рисунки зоз руского фолклору, а на одпочивкох ше прейґ розгласу пущало руску музику и на таки способ вчерайши дзень у Школи бул пошвецени рускому народу.

Попри тим, на єдней школскей годзини було орґанизоване друженє руских класох на котрих им учительки приблїжели руски обичаї, а на котрих ше шпивало и танцовало. Опрез школи при памятнїку „Слунко шлєбоди” окрем сербскей, була визначена и руска застава.

ПОВЯЗАНИ ТЕКСТИ