ВЕРБАС – Вчера у сали Скупштини општини Вербас орґанизовани приєм за найуспишнєйших школярох основних и штреднїх школох з цалей општини, а з тей нагоди 86-еро школяре од локалней самоуправи достали кнїжки.
Медзи найлєпшима була и Надя Канюх з ОШ „20. октобер“ у Вербаше, як добитнїца дипломи „Вук Караджич“, а з ОШ „Братство єдинство“ у Коцуре на приєму були ношителє Вуковей дипломи за посцигнути успих у ученю Александар В. Горняк, Александра Д. Горняк, Биляна Анґелевски, Филип Няради, Лїляна Иван, Луна Яким, Милица Кантор, Єлена Країнович, Тамара Кнежевич, Катарина Симовски и Марко Недич, котори преглашени и за школяра ґенерациї у коцурскей ОШ.