ЖЕЛЄНА ГОРА (ПОЛЬСКА) – Професоре Филозофского факултету у Новим Садзе – шеф Оддзелєня за русинистику др Янко Рамач и др Дюра Гарди з Оддзелєня за историю, од 19 по 21. септембер участвовали на Медзинародней науковей конференциї на Универзитету у Желеней Гори у Польскей, з назву „Лемки, Бойки и Гуцули – прешлосц, терашньосц, будучносц”.
На конференциї у Желеней Гори участвовали коло 50 учашнїки з Польскей, Словацкей, України и Сербиї, а основна тема була правне реґулованє и положенє националних меншинох.
Теми професорох Янка Рамача и Дюру Гардия обрабяли питаня правного положеня Руснацох и националних меншинох у Южней Угорскей, Югославиї и Сербиї. Конференция оценєна як барз успишна, а дотераз публиковани шейсц обсяжни зборнїки роботох з предходних конференцийох.
Була то седма по шоре конференция з тоту тему, а предходни отримовани у Словацкей и Польскей. Заплановане же би ше конференцию з тоту назву 2019 р. отримало у Сербиї, на Филозофским факултету у Новим Садзе, а з нагоди 100-рочнїци снованя Руского народного просвитного дружтва.