НОВИ САД – Нєшка, 8. мая, у Основней школи „Петефи Шандор” у Новим Садзе школяре представя обичаї народох котри жию у Войводини. Програма почина на 13 годзин.
Учителька I-3 класи Анамария Миличевич зоз свою класу пририхтала руски обичаї, так же дзеци буду пооблєкани до нашого народного облєчива и з танцом и краткима слайдами представя Руснацох.
Директор Школи Золтан Ардєлан гварел же учителька Анамария Миличевич, наставнїци Татяна Любинкович и Катица Арсениєвич, та психолоґ Татяна Драґин обдумали тоту програму зоз школярами першей, шестей и седмей класи, пре приказованє обичайох, облєчива и язикох народох у Войводини.
Директор Ардєлан з тей нагоди надпомнул же ше у тей школи настава одвива по сербски и мадярски, а отримує ше и годзини мацеринского язика з елементами националней култури – словацкого, мадярского и руского.