И Руснаци на програми з нагоди Медзинародного дня людских правох

автор зам
971 Опатрене

БЕОҐРАД – Канцелария за людски и меншински права Влади Републики Сербиї того року Медзинародни Дзень людских правох – 10. децембер, планує означиц и з вельку манифестацию пошвецену припаднїком националних меншинох.

Як плановане, Медзинародни дзень людских правох би мал буц означени у єдней з галох Беоґрадского сайму, дзе ше ансамбли припаднїкох меншинох представя з културно-уметнїцкима програмами, а на штандох свою кухню, народне облєчиво, стари ремесла, туризем и други змисти.

У Националним совиту (НС) Руснацох потвердзене же достата поволанка за спомнуту манифестацию, як и же ше з вибранима змистами на означованю Медзинародного дня людских правох представя и Руснаци.

Праве нєшка, 10. новембра, у Канцелариї за людски и меншински права у Беоґрадзе будзе схадзка з представителями националних совитох националних меншинох о програми 10. децембра, а спред НС Руснацох на схадзки буду предсидатель Вивершного одбору Желько Ковач и секретар Совиту Таня Арва Планчак.

ПОВЯЗАНИ ТЕКСТИ