ВЕРБАС – По нєурядових резултатох виберанкох за Скупштину АП Войводини у вербаскей општини найвецей гласи достала лїстина СНС „Александар Вучич-Сербия победзує” – 8 495, цо 40,37 одсто.
На другим месце лїстина „Ивица Дачич-СПС, ЄС (Социялистична партия Сербиї, Єдинствена Сербия)” хтора достала 3 619 гласи, цо 17,20 одсто, а на трецим месце лїстина „Др Воїслав Шешель-Сербска радикална странка” зоз 2 178 гласами, лєбо 10,35 одсто.
На штвартим месце лїстина „Досц було-Саша Радулович”, хтора достала 1 302 гласи, односно 6,20 одсто, потим лїстина „За праведну Сербию-Демократска странка” з 1 263 гласами, односно 6,02 одсто, „Лиґа социялдемократох Войводини-Ненад Чанак” достала 877 гласи, цо 4,17 одсто, а „Двери-Демократска странка Сербиї-Санда Рашкович Ивич-Бошко Обрадович” достала 868 гласи, лєбо 4,12 одсто.
На републичним уровню резултати подобни, бо на першим месце лїстина колаициї коло СНС „Александар Вучич-Сербия победзує” зоз 8 814 гласами, лєбо 41,786 одсто. На другим месце лїстина „Ивица Дачич-Социялистична партия Сербиї-Єдинствена Сербия Драґан Маркович Палма” зоз 3 476 гласами, лєбо 16,48 одсто.
Лїстина „Др Воїслав Шешель-Сербска радикална странка у вербаскей општини достала 2 280 гласи, цо 10,91 одсто, а „Досц було-Саша Радулович” 1 366 гласи, лєбо 6,48 одсто.
На тим уровню виберанкох коалицийна лїстина „Борис Тадич, Чедомир Йованович-Союз за лєпшу Сербию-Либерално демократска партия, Лиґа социялдемократох Войводини, Социялдемократска странка” достала 1 197 гласи – 5,67 одсто, а „За праведну Сербию-Демократска странка (Нова, ДСГВ, ЗЗС) 1 132 гласи, лєбо 5,37 одсто.
У вербаскей општини нє були виберанки на локалним уровню, а за виберанки на републичним уровню були уписани 36 255 гласаче, а за покраїнски 36 313 вибераче.