ДЮРДЬОВ – За нєшкайше швето, Медзинародни дзень женох, уж даскельо днї ше пририхтую и Дюрдьовчанє, а окреме квецарки, котри понукаю нє лєм квеце, алє и рижни прикраски и виробки ручней роботи.
Квецарка Новка Спасич за тото Швето понука рижни файту квеца у черепчкох, а окреме глєдана орхидея и замия.
– Млади купую углавним резани ружи, и то червени, котри символ любови, а старши углавним квеце у черепчкох. Наймладши купую гвоздзики – гварела Спасичова.
Попри квеца, вона однєдавна у понукнуцу ма и фиґури за обисце и заградку рижних формох и велькосцох, котри медзи другима, буду и нєшка виложени у центру Дюрдьова.