НОВИ САД – У Музею Войводини нєшка, 23. децембра, будзе отворена Рочна вистава фоторепортерох Нового Саду и Войводини з назву „Обєктивно”, а з нагоди „Фоторепортерского нового року”, хтори ше уж вецей як 40 роки означує у Новим Садзе.
На вистави буду виложени роботи 35 новосадских и войводянских фоторепортерох, а медзи нїма и фоторепортерки наших новинох „Руске слово” Вероники Вуячич.
Вистава у Ґалериї Музею Войводини (Дунайска 37) нешка будзе шветочно отворена на 19 годзин, а тирва по 15. януар.
Тогорочни орґанизаторе вистави фоторепортере „Дневнику” и Фото-асоцияциї Войводини, а виставу ше отримує з потримовку Управи за културу Городу Нови Сад.