НОВИ САД – У рамикох фестивала „Ноц храмох”, будзе участвовац и Хор Гармония, нєшка на 19 годзин, у Грекокатолїцкей церкви святих апостолох Петра и Павла у Новим Садзе.
У програми буду участвовац хори, виводзаче духовней музики и други музични состави хтори представя културу и традицию своєй вирскей заєднїци.
Першу „Ноц храмох” у Новим Садзе орґанизує здруженє „HBO Color Media Events”, у сотруднїцтве зоз компанию „Color Media Communications” и зоз потримовку Городскей управи за културу Города Нового Саду и Покраїнского секретарияту за културу, информованє и одношеня зоз вирскима заєднїцами, а по углядзе на фестивал „Lange Nacht der Kirchen” зоз Бечу.
Концерти, єден за другим, годно провадзиц од 18 годзин як лайв-стрим на Ют’юб каналу „Color Media Communications”.