НОВИ САД – Керестурец Йован Живкович освоєл перше место на Трецим Републичним змаганю штредньошколских тонских знїмкох применєней музики, радиодифузних дїлох и музичних нумерох. Змаганє орґанизує Музична школа „Петар Конєвич” зоз Зомбора, у сотруднїцтве зоз Здруженьом „Арт мрежа”, а з потримовку Академиї уметносцох з Нового Саду.
Йован Живкович матурант зомборскей Штреднєй школи „Петар Коньович” на напряме „Дизайнер звука”, а награду достал за акапела обробок єдней музичней нумери Боба Марлия. У витвореню роботи менторка му була професорка Желька Милошевич, а професор Мирко Преґун написал аранжман.
Стретнуце шицких 20 змагательох, преглашенє побиднїкох и додзельованє наградох отримане внєдзелю, 5. юния у Музичним студию Акедемиї уметносцох у Новим Садзе, а з тей нагоди отримана и роботня з тему „Ґенеза композиторского процесу през призму електроакустичней музики”.