СЕРБИЯ – По найновших податкох Републичного заводу за статистику (РЗС), на гранїци худобства 25,6 одсто гражданох Сербиї, односно кажда штварта особа, а ризик од худобства виноши 43,2 одсто. У виглєдованю о худобстве, хторе окончел РЗС, участвовали 6 055 ґаздовства, односно 16 220 гражданє старши од 16 роки.
Найвекшу можлївосц за худобство маю млади од 18 роки (29,6 одсто), а окреме млади котри нєзаняти. Тиж так, вельки ризик од худобства маю фамелиї у котрих двойо одроснути и тройо, або вецей дзеци (35,2 одсто).
Податки РЗС указали же найменши ризик од худобства маю заняти особи, самозаняти, та пензионере, односно старши од 65 роки (20,7 одсто).