НАШО МЕСТА – По Календаре змаганьох за 2014/15. школски рок, змаганя за школярох основних школох з руского язика и язичней култури на школским уровню буду отримани по конєц марца, Медзиокружне будзе 2. априла, а Републичне змаганє 21. мая.
Информациї о змаганьох до руских школох тих дньох прешлїдзео Дружтво за руски язик, литературу и културу, єден з їх главних орґанизаторох, а спомнути календар концом децембра прешлого року обявени у „Просвитним преглядзе”, билтену Министерства просвити, науки и технолоґийного розвою.
Спрам скорейшей поради орґанизаторох, тогорочне Медзиокружне и Републичне змаганє будзе у ОШ „Йован Йованович Змай” у Дюрдьове.