ВЕРБАС – У церкви Покрова Пресвятей Богородици у Старим Вербаше внєдзелю, 12. януара, госцовал вербаски Хор ,,Карпати” зоз гудацми.
Вельку Службу Божу служел парох старовербаски о. Алексей Гудак, а числени парохиянє котри були у церкви, по законченей служби, могли уживац у колядованю вербаского Хора.
Зоз шпивом и красну музику, котри ше ширели по цалей церкви, гудаци и члени Хора возвелїчали тоту Службу Божу.
Числени вирни, як и гудаци и шпиваче, по законченим концерту предлужели друженє у одборнїци на пририхтаним коктелу.
