РУСКИ КЕРЕСТУР – У спортско-школскей гали у Руским Керестуре, всоботу, 3. септембра, отримани турнир у малим фодбалу „3 на 3” у рамикох Спортских бавискох „Яша Баков”.
На турниру участвовали пейц екипи, а бавело ше по системи кажде з каждим. Найсхопнєйша з лабду була екипа КПД „Карпати” з Вербасу, а друге место завжала екипа домашнїх зоз Руского Керестура. Три екипи мали по побиду и три пораженя, та треце место, як екипа зоз найлєпшу медзисобну ґол розлику, завжало Дружтво Руснацох Суботици. За штварте место ше виборела екипа РКЦ з Нового Саду, а пияте место завжало КУД „Тарас Шевченко” зоз Дюрдьова.
Турнир орґанизовало Спортске дружтво „Русин” и Спортске здруженє „Яша Баков”.
Идуци турнир по шоре у рамикох СБ „Яша Баков” будзе отримани у Коцуре идуцого викенду у малим фодбалу за ветеранох.
