ВЕРБАС – Внєдзелю, 7. децембра, вербаске КПД „Карпати” нащивела делеґация Руснацох зоз Словацкей и України. Зоз Словацкей у Вербаше були городоначалнїк Свиднїку Ян Голодняк и мр Владимир Шандала, а з України, з Ужгороду, були депутат Закарпатскей обласней ради Василь Чурей и адвокати Михайло Хиля, Василь Ерфанюк и Виталий Роман. Тиж так, у делеґациї бул и єромонах Венедикт (Хромей), по походзеню Руснак, зоз Свято-Михайловского манастиру з Ґрушева у Закарпатскей обласци України.
Домашнї госцом представели роботу Дружтва, а медзи иншим, на стретнуцу бешедоване и о писаню заєднїцких проєктох з хторима би ше апликовало за средства з предприступних и европских фондох на полю културного сотруднїцтва Руснацох з трох державох.
Домашнї иножемней делеґациї бул предсидатель Дружтва др Деян Загорянски, а госцом орґанизована и нащива до Дюрдьова и Беоґраду.