ВЕРБАС – Традицийни, уж 26. Бал Културно-просвитного дружтва „Карпати”, у Вербаше отримани всоботу, 27. фебруара у Готелу „Бачка”, а попри красного числа членох и активистох Дружтва, на Балє було и госцох з Руского Керестура и Коцура.
Бал отворел предсидатель „Карпатох” др Деян Загорянски, котри з тей нагоди бешедовал и о активносцох КПД у тим року. Визначел же у секцийох Дружтве члени рижних ґенерацийох, Руснаци и Українци з Вербасу, алє и припаднїки других националних заєднїцох котри жию у Вербаше. Як гварел, же и Бал єдна зоз значних активносцох Дружтва, потвердзує його континуитет отримованя.
На Балє грал тамбурови оркестер „Стари Вербас”, на чолє з Любом Скубаном, а орґанизовани и наградни забавни бависка и томбола