КОЦУР – Школярка пиятей класи Основней школи „Братство єдинство” Катарина Недич з Коцура, внєдзелю, 20. новембра, у Беоґрадзе участвовала на финалним змаганю 11. Архимедесовей дописней математичней олимпияди.
На тото змаганє з математики Катарина ше приявела сама и дома ришовала задатки, та их посилала на достату адресу. Понеже освоєла максималне число бодох, була поволана на финалне змаганє, хторе орґанизоване за школярох з цалей Сербиї.
Змаганє було з вецей писмено-усмених часцох и як Катарина гварела за Рутенпрес, питаня нє були класичного типу, алє баржей унапрямени на лоґику. З того змаганя достала сертификат же го успишно закончела.