БЕОҐРАД – Трецина основних и штреднїх школох хтори того року прешли екстерну евалуацию (оценьованє роботи) достали найнїзши оцени, а ситуация дакус лєпша у предшколских установох, понеже анї єдна нє достала єдинку.
Школи ше найгорше указали у квалитету настави и ученя, окреме кед слово о индивидуалней настави и оценьованю школярох, указую резултати евалуациї.
Пре розвой школох и указованє на їх правилне функционованє, Министерство просвити и Завод за унапредзенє образованя и воспитаня уж под час жимского розпусту буду орґанизовац обуки за директорох шицких школох у Сербиї. Од директорох ше у наиходзацим периодзе будзе обчековац же би були педаґоґийни руководителє и давали векшу увагу на квалитет настави.
Обука и испит за директорох законски предвидзени ище 2003. року, медзитим, дотераз тота робота нє закончена. Участвованє на спомнутих обукох будзе перши крочай ґу доставаню лиценци за директора, сообщело Министерство просвити.
Порядну екстерну евалуацию ше запровадзує раз у пейц рокох, а кажди рок школи маю робиц самоевалуацию.