НОВИ САД – На вчерайшей Служби Божей на Квитну нєдзелю у нашей новосадскей церкви парох о. Юлиян Рац у казанї наглашел же „Чудесни Божи план спашеня людского роду”, бо, як гварел – „Исус мал дзецинство як и други дзеци, алє сцел и указац хто Бог зоз свою любову”
– Нам важне и тото же лєм з Христом мож зрозумиц и себе. Пре нас церпел и умар. Вон нам одкрил таїнство чловека, а Божи план вон одкрил зоз своїм животом – гварел новосадски парох о. Рац, визначуюци и же бизме мали обрацели увагу на славни уход Исуса Христа до Єрусалиму, места церпеня и побиди над шмерцу, як и на тото же нашо праве отечество нє на тим швеце.
Под час и после Служби Божей вирни дали свой прилог за помоц загроженим людзом у України, и побрали багнїтки хтори однєсли до своїх домох.