Керестурски каратисти ше пласовали на державне першенство

автор зам
1k Опатрене

ТЕМЕРИН/РУСКИ КЕРЕСТУР – После змаганя на Купу Войводини, шицки пецеро млади каратисти рускокерестурского Русину, кельо участвовали на тим змаганю, виборели пласман на державне першенство у каратеу.

Куп Войводини отримани всоботу, 5. новембра у Темеринє, на хторим у катеґориї пионирох Теодор Няради у борбох освоєл друге, а у катох треце место, док ше на державне першенство у катох и боробох у тей катеґориї пласовал и Ґлориян Штранґар.

У катеґориї кадеткиньох у борбох Сара Планчак освоєла перше, Анамария Няради друге, Кристина Катона треце место, а як екипа, спомнути три каратисткинї Русину освоєли перше место.

На Купу Войводини у Темеринє участвовали 23 клуби и коло 300 змагателє у шицких возростох и дисциплинох, а державне першенство будзе 26. новембра у Велькей Плани.

Каратистох Русину за змаганя пририхтує їх тренер Михал Орос.

ПОВЯЗАНИ ТЕКСТИ