РУСКИ КЕРЕСТУР – Школяре осмей класи Основней школи „Петро Кузмяк” 9. децембра участвовали у шветовей акциї „Годзина програмованя” („Hour of Code”), хторей циль заинтересовац дзеци за тоту професию будучносци.
З нїма робела професорка математики Наталия Будински, котра гварела же могли участвовац школяре и без предзнаня о програмованю, як и же материяли забавно-едукативного характеру тримали увагу школярох, та у Школи планую предлужиц з такима активносцами.
Тоту Акцию потримує и Министерство просвити, науки и технолоґийного розвою, а школяре и школи цали рок можу учиц програмованє на шветовим порталу https://hourofcode.com/us