КУЛА – Школа за основне музичне образованє (ШОМО) Кула 17. и 18. децембра орґанизовала уж традицийни Новорочни концерт своїх школярох.
Першого дня наступели школяре зоз матичного оддзелєня школи, а другого дня наступели углавним дзеци зоз видвоєного оддзелєня ШОМО з Руского Керестура.
На концерту участвовали и дзеци котри уж вецей раз наступали, алє и штверо млади музичаре хторим то бул перши наступ.
Рижни композициї прицали увагу патрачом и уведли их до святочного розположеня, а окреме ефектна була остатня точка Камерного составу школярох видвоєного оддзелєняу Руским Керестуре котри на тамбуркох и гармоникох одграли два коляди. За Новорочни концерт дзеци порихтала наставнїца Гелена Гарвильчак, наставнїкове Мирон Сивч и Мирко Преґун, док Камерни состав пририхтали Гелена Гарвильчак и Мирон Сивч.
Як виявела директорка ШОМО Кула Верица Ожеґович, задовольна є зоз потерашню роботу школи, з оглядом же ше роби у рамикох „златного штредку”, наздаваюци ше же ше зоз такого квалитету дахто воздзвигнє на висши уровень.