РУСКИ КЕРЕСТУР – На Екипним першенству АП Войводини за младших кадетох, котре отримане 19. януара у столнотенисерскей сали „Академия” у Новим Садзе, участвовали и кадети зоз Столнотенисерского клубу „Русин” зоз Руского Керестура.
По пропозицийох участвовали кадети народзени 2006. року и младши, а у Русиновей екипи були штирме – Матей Сабадош (2006), Александар Шанта (2007), Иґор Фейди (2008) и Матей Макаї (2010).
Столнотенисере завжали штварте место, а змагали ше у ґрупи медзи дзевец екипи, дзе участвовали – „Нови Сад”, „Войводина” Нови Сад, „Темерин”, „Спартак” Суботица, „Ґалатска Кикинда”, „Славия” Ковачица, „Милениюм” Вершец и„Степес” Зренянин.
Керестурских Русиновцох за тоти змаганя пририхтал млади тренер Стефан Горняк.
Главни судия змаганьох була Ґордана Влашкалич, а представитель орґанизатора Столнотениского союзу Войводини, Миряна Петрович.