ЛИПАР – У Липару нєшка, 23. априла, будзе Општинска смотра дзецинскей фолклорней творчосци, на у хторей у младшим и старшим возросту участвую 18 хореоґрафиї з осем домох култури, КУД-ох и єдней школи з местох кулскей општини.
Дом култури Руски Керестур на Смотри участвує з трома новима танцами, з двома у конкуренциї младшого возросту (школяре нїзших класох ОШ) и з єдним танцом у конкуренциї старшого возросту (школяре висших класох ОШ).
У младшим возросту Дом култури ше змага з танцами „До млїну”, уметнїцкей руководительки Ґабриєли Саянкович и Венчиком гопакох, уметнїцкого руководителя Сашу Палєнкаша.
У старшим возросту Керестурци ше змагаю з танцом „Подскакуєм, подубкуєм”, хторому уметнїцка руководителька Ґабриєла Саянкович. Танєчнїкох провадзи Народни оркестер Дому култури, под руководительоством Юлияна Рамача.
Селекторка Смотри хореоґрафка Душанка Дмитрович, а покровитель Општина Кула.