Керестурци на першей схадзки Скупштини Сербиї

автор сен; фото:с.надь
1.1k Опатрене

БЕОҐРАД Мишани хор Дому култури Руски Керестур и Катедралней церкви святого оца Миколая, под дириґентством Лидиї Пашо, виведол гимну Републики Сербиї „Боже правде“ з хтору почала вчерайша конститутивна схадзка Народней скупштини Републики Сербиї. Шпиванє гимни з хтору отворена перша схадзка Народней скупштини у новим зволаню значна подїя и припознанє нашому Хору, хтори предлужує уж вецей як 120рочну традицию шпиваня у Керестуре, та и шицким Руснацом.

1-Hor-02

Инициятиву же би праве керестурски Мишани хор наступел на конститутивней схадзки Скупштини дала народна посланїца Олена Папуґа, котра з тим жадала указац же Руснаци, окрем мацеринского, як гражданє Сербиї пестую и сербски язик, шпиваю и сербски композициї и почитую свою державу.

1-Hor-03

Понеже на конститутивних схадзкох наступали академски, професийни хори, наступ на тей значней подїї була велька чесц, та самим тим и обовязка за шицких учашнїкох, гварел директор Дому култури Йоаким Рац. Керестурци зоз своїм виводзеньом гимни оправдали дате им довириє.

1-Hor-04

ПОВЯЗАНИ ТЕКСТИ