РУСКИ КЕРЕСТУР – Керестурци здраву воду з пилот-построєня од нєшка можу брац з новей просториї у ЯКП „Руском”, до хторей ше уходзи такой з улїци на Вельким шоре, понеже ту премесцени чопи за бранє здравей води.
По словох директора „Рускому” Иґора Фейдия, жителє воду годни брац як и до тераз – од 7 рано до 8 годзин вечар.
Пилот-построєнє за пречисцованє води од арсену и чопи премесцени на препоруку инспекциї, пре злєпшанє условийох за роботу пречисцовача, хтори ту роби осми рок, понеже у керестурскей води присутне вецей раз векше количество арсену од дошлєбодзеного.
