ДЮРДЬОВ – Вчера и позавчером, 6. и 7. авґуста, у рамикох ювилейних 25. Спортских бавискох „Яша Баков” на стадионє ФК „Бачка 1923” у Дюрдьове отримане змаганє у вельким фодбалє за сениорох, на хторим участвовали штири екипи з наших местох, а победзел рускокерестурски „Русин”.
Всоботу, у першим полуфиналним змаганю „Русин” и коцурска „Искра” бавели нєришено 1:1, та о побиднїкови одлучели пенали, у чим Керестурци були лєпши. У другим полуфиналним змаганю дюрдьовска „Бачка 1923” з 2:1 победзела „Єдинство” з Ґосподїнцох.
Вчера, у змаганю за треце место, фодбалере „Єдинства” зоз 4:3 победзели „Искру”, а финалне змаганє „Русину” и „Бачкей 1923” у реґуларним чаше закончене без побиднїка – 0:0.
После лєпшого видзеня пеналох, „Русин” з Керестура з 5:3 победзел „Бачку” и так освоєл перше место, на турнире. Друге место завжала домашня „Бачка 1923”, треце „Искра” з Коцура, а штварте „Єдинство” з „Ґосподїнцох”.
На нєдзелю, 14. авґуста, у рамикох СБ „Яша Баков” у Суботици будзе турнир у одбойки на писку.