Кишлиндер нови предсидатель Општини Бачка Тополя

автор зам
773 Опатрене

БАЧКА ТОПОЛЯ – За нового предсидателя Општини Бачка Тополя на вчерайшей схадзки Скупштини општини (СО) з векшину гласох вибрани Ґабор Кишлиндер зоз Союзу войводянских Мадярох (СВМ), дотерашнї шеф Одборнїцкей ґрупи СВМ у СО Бачка Тополя.

Кишлиндер на тей длужносци заменєл Мелинду Кокаи Мерняк, тиж зоз СВМ, котра, вєдно з дзепоєднима другима функционерами Општини, нєдавно дала задзекованє на поволанку предсидателя СВМ Иштвана Пастора, пре одредзованє високих плацох и премийох себе и другим руководительом у Општини.

СВМ и далєй на чолє Скупштини општини, дзе дотерашнього предсидателя Роберта Фазекаша заменєл Едвин Плох, пременєни и дзепоєдни члени Општинскей ради, а нови предсидатель Општини гварел же СВМ у локалней самоуправи зменша число функционерох за штири особи, так же вецей нє будзе мац заменїка городоначалнїка, а наявел и рационализацию местох у Општинскей управи.

После вибору, Кишлиндер на вчерайшей схадзки СО Бачка Тополя одборнїкох поволал на єдинство и заєднїцку роботу на ришованю проблемох у Општини.

ПОВЯЗАНИ ТЕКСТИ